Поточните пастрмките се едни од најраспространетите видови на риби во светот и претставуваат можеби и најатрактивни риби за мушичарење, односно најголемиот дел на мушичари во светот ги ловат токму нив. Со тоа претставуваат и синоним за мушичарска риба, па затоа и се наоѓа на најголемиот дел од симболи, амблеми, логоа... кои асоцираат на мушичарски брендови, клубови и сл. 

Карактеристично се прошарани со повеќе или помалку црни и црвени точки по телото, во зависност од подвидот, односно од водата во која живеат.
 

Макс. должина: 80 см. Макс. тежина: 15 кг.

​

Распространетост: Живее во чисти и студени води (реки и потоци), но често се прилагодува и на потопли води, како што е примерот со Нов Зеланд. Ја има во скоро сите реки и потоци ширум балканот во води богати со кислород.

​

Други имиња: Поточара, Brown trout...

​

Мрест: Октомври до Март. Се размножува во плитки делови од реката, на песокливо дно или дно со ситни камења и притоа положува од 500 до 3000 икри. 

​

Исхрана: Се храни со ларви, инсекти, ситни ракови и риби.

​

Лов: Се лови со сите видови на вештачки креации: нимфи, суви и мокри мушици, како и стримери (посебно покрупните примероци на поточара). Воглавно највеќе се храни во раните утрински и доцни вечерни часови, иако во пролетниот период при ниски температури преферира да се храни во потоплиот дел од денот.

Борбена риба која пружа вистинско задоволство при заморувањето.