Си лафаме со Атанасовски за старите добри времиња и ни текна дека Дедо Мраз не нема посетено добри 25 години.

И така по теркот на старата "Ако неќе брег Мухамеду, Mухамед ќе брегу" решивме да отидеме во Лапонија кај Дедо Мраз и да го скубнеме за таа бела брада затоа четврт век не лишел од таа детска радост.

Моето патување започна вака: Автобус Скопје - Белград па авион Белград - Малме

Кога стигнав таму се израдував но Атанасовски ме потсети дека ни остануваат уште 1500 км возење. Како пат Скопје - Минхен. 

По пат сватив дека и Шведска има проблем со водите. Едноставно имаат премногу вода па морат да ги криват патиштата.

И според народната "ДЕНАР ДА СЕ ФАТИШ, А ПЕТ ДА СЕ ПУШТИШ”, палење колата и возење 16 саати.

 

Разбравме дека Дедо Мраз последен пат бил виден во Saksnes, село непосредно до Норвешката граница.

Во близина тече реката Ranseran.Една од ретките места каде што има Artic char - најубавата риба која можеш да ја имаш на јадица. Дозволено е да ловат само 10 рибари на ден. Fly fishing only. Реката не се порибува ама добро се чува и стопанисува. Топ дестинација, не само за Македонци.

Реката беше позната по тоа што имаше крупни липљани и пастрмки. За жал пастрмката веќе се спремаше за мрест и ја започнала својата миграција према притоките.

 

Температурите знаат да бидат многу ниски. Ние бевме пресреќни со 15 степени преку ден а 2 степени преку ноќ.

Облечени трипати повеќе од вообичаеното. Три џемпери, 3 пара чорапи, 3 кебиња.....

Мене ми беше малку потопло затоа што понекогаш ме грееше црнецот. Кутар Атанасовски, немаше кој да го згрее ниедна ноќ. 

 

Да се фати Artic char е права уметност. Кога дојдовме ние имаше група на рибари кој си заминуваа и рекоа дека не фатиле ни една. Рибата многу нежно ја зема мушичката од површината, претпазливо и нелакомо. Откачувањата на рибата се многубројни, скоро фрустрирачки. 

 

Како и да е после два дена успеавме да фатиме по некоја. Рибава е дефинитивно женски род. Елегантна, срамежлива, преубава, ненаметлива.....

 

Но тука не беше Дедо Мраз. Ни кажаа дека го виделе покрај реката Vojmont. Палење колата и трк да го бараме. Но кога стигнавме кај реката ни кажаа дека веќе после 4 дена немаме ХТП (хигиенско технички прием). Мечка страв.....

 

 На ова место сместувањето ни беше малку попитомо затоа што веднаш до нас имаше направено куќичка за засолнување. Но комарците не потсетуваа каде сме дошле. A од Дедо Мраз.....ни трага ни глас. Го сретнавме само блискиот роднина на неговиот ПРЕВОЗ ама неможевме да се разбереме. Некако чудно ни збореше. Мора да беше тоа лапонски јазик