Златовчицата живее во реки и во езера па според тоа разликуваме речна и езерска златовчица. Има светли точки по телото и често колоритен стомак кој оди од бела, преку жолта и портокалова, се до жарко црвена боја​. Често знае да престојува и во морска вода.

​

Макс. должина: 70 см. Макс. тежина: 10 кг.

​

Распространетост: Исклучиво чисти, студени води и богати со кислород (реки и езера). Пред се се простира во северните делови од Европа и Азија, а нарочно во деловите близу до поларниот круг. На Балканот се среќава во Бохињско езеро (Словенија), Пливско езеро (Босна и Херцеговина), Биоградско езеро (Црна Гора).

​

Други имиња: Планинска пастрмка, Горска пастрмка, Босанка, Char...

​

Мрест: Октомври до јануари. Полно созрева од 3 до 5 години.  Се мрести во песокливо дно на езера и реки. Полага од 3000 до 6000 икри.

​

Исхрана: Воглавно се храни со ларви, инсекти и ситни ракчиња, а на менито и се наоѓаат и црви, полжави, но и риби. 

​

Лов: Се лови на нимфи, мушички и стримери.  Важи за добар борец, но и многу пробирлива риба.